නියෝජ්‍ය විදුහල්පති පණිවිඩය

දිනෙන් දින විශිෂ්ඨත්වය කරා පිය නගන අප පාසල දකුණු පළාතේ ඇති දීප්තිමත් පාසලකි. අප සිසු දරුවන් කලාප, පළාත් මෙන්ම ජාතික මට්ටමේ ජයග්‍රහණ රාශියකට උරුමකම් කියන අතර, පාසලෙන් බිහි වූ කීර්තිමත් ආදි සිසුන් ද බොහොමයකි. අද වන විට ඔවුන් රටේ ඉහළ තැන්වන තනතුරු දරමින් රට දැය වෙනුවෙන් සුවිශේෂි මෙහෙවරක් ඉටු කරති. 

වර්තමානය යනු තාක්ෂණික යුගයකි. අනාගතයද එසේය. වර්තමානයෙන් අනාගතයට පිය නගන එම තාක්ෂණික යුගයට පාසල් සිසුවා සූදානම් කරවීම පාසලක ප්‍රමුඛ කාර්යභාරයක් වේ. එවිට එම පාසල් සිසුවා අනාගතයේ රටේ දිදුලන තරුවක් බවට පත් වේ. එම තාක්ෂණික යුගයට මාර/වැලිකැටිය කනිටු විදුහල පා නැගීමේ අදහසින් හා එම යුගයට පාසලේ පාසල් සිසුන් යොමු කිරීමේ අදහසින් අප පාසලේ අලුතින් ආරම්භ කරන ලද වෙබ් අඩවියට මාගේ සුභාසිංශන පිරිනමමි. එසේම මේ කාර්යභාර්ය සඳහා උරදුන් අප විද්‍යාලයේ විදුහල්පති එම්.ඒ.අජිත්  මැතිතුමාටත්, අප විදුහලේ තොරතුරු තාක්ෂණ විෂය භාර බුද්ධිමා කල්පනී ගුරු මෙනවියටත්, 10,11 ශ්‍රේණිවල සිසුදරුවන්ට ස්තුතිවන්ත වෙමි. 

                                                                                                                                                                                                                                             මෙයට,

                                                                                                                                                                                                                                            නියෝජ්‍ය විදුහල්පති ,

                                                                                                                                                                                                                                             එච්.චාමින්ද පියදර්ශන